Saltar al contenido principal
  • Artículo
  • Partikularrak
  • Gorabeherak

Zer egin behar dut Bizum jaso ezin badut?

Tiempo de lectura: 3 min
Publicación: 27/3/25
Última actualización: 20/11/26

Honaino iritsi bazara, ezin duzulako Bizum erabili edo ez duzulako Bizum jaso eta zer gertatu den jakin nahi duzulako da. Lehenik eta behin, lasai egon, ez larritu, eta, batez ere, ez pentsa: «Zer egin behar dut orain Bizum jaso ezin badut?». Ziurrenik irtenbidea uste baino sinpleagoa izango da, eta segundo gutxiren buruan zure ordainketa-sistema gogokoenarekin erabili ahal izango duzu berriro.

Jarraian, zer gertatu ahal izan den eta kasu bakoitza nola konpondu azalduko dizugu.

Bizum ezin jasotzeko arrazoiak

Zure kontaktuek Bizum bat ezin dizutela bidali esaten badizute, ez kezkatu! Konponbidea oso erraza da: egiaztatu ea:

  1. Bizumen alta emanda ez zauden. Bizum erabili ahal izateko, gure banku atxikietako batean kontu bat izan behar duzu, bertako banku digitala aktibatuta eta aplikazioa instalatuta izan. Eta, ondoren, zure erakundeak adierazitako erregistro-urratsak jarraitu.

Oso garrantzitsua da kontuan izatea aurretik zure kontua aktibatu baduzu soilik erabili ahal izango duzula Bizum. Beraz, oraindik alta eman ez baduzu, kontsultatu hemen Bizumekin bateragarriak diren banku guztiak eta jarraitu alta emateko urratsak. Behin alta berretsita, Bizum erabili ahal izango duzu!

  • Duela gutxi bankuz aldatu zaren. Duela gutxi bankuz aldatu bazara, garrantzitsua da lehengoan ere Bizumen baja eskatzea, zure erakunde berritik erabiltzen jarraitu ahal izateko. Hori egin ez baduzu, baliteke horregatik ezin izatea bizumik jaso. Horregatik, argitalpen honetan Bizum kontu batetik bestera modu errazean nola aldatu kudeatzeko gida osoa uzten dizugu.

Orain, zergatik ezin dut Bizum jaso? galderaren erantzunak badakizkizunez, zeren zain zaude zure alta egiaztatzeko!

Bizum bat ez jasotzeko arrazoi posibleak

Bizumekiko zure lotura zuzena bada, hau da, % 100ean bizumerra bazara, bi arrazoi daude Bizum bat jaso ez izateko, baina ez izutu! denak baitu konponbidea. Eman begiratu bat adibide-zerrenda honi eta ezagutu zergatik ez duzun Bizum bat jaso:

  1. Interneterako konexioa. Wifirik ez baduzu edo estaldurarik gabeko eremu batean bazaude, oso baliteke bankuaren jakinarazpena zure bizumarekin jaso ez izana. Ez da bizumik jaso ez duzunik, oraindik eguneratzea iritsi ez zaizula baizik! Beraz, estaldura itzuli arte itxarotea besterik ez dago diru-sarrera hori zure banku-kontuan ikusteko.

Behin estaldura berrezarrita oraindik agertzen ez bada… jarraitu irakurtzen.

  • Egiaztatu mugimendua behar bezala irten dela. Batzuetan, bidaltzen duenak eragiketa berretsi duela uste du, baina erdizka geratu da. Beraz, hurrengo urratsa igorleari bere banku-aplikazioan eragiketa berretsita dagoela eta dirua bere kontutik kendu dela egiaztatzeko eskatzea da. Erraza, ezta?
  • Egiaztatu datuak ondo sartuta daudela. Askotan, presaren ondorioz telefono-zenbakia gaizki sartzen duten bizumerrekin egiten dugu topo. Horregatik da normala bizum bat jaso ez izana. Funtsean, zuri bidali ez dizutelako.

Datuak zuzenak badira, lasai! Minutu gutxiren buruan bizuma islatuta agertuko da zure banku-kontuan.

Eta datuak gaizki badaude, eskatu dirua zor dizun pertsonari eragiketa berriro egiteko, hori bai, orain behar bezala. Bere aldetik, okerrez dirua bidali dion pertsonarekin harremanetan jarri beharko da dirua itzul diezaion (bere erakundearekin ere kontsulta dezake zein kasutan eska dezakeen eragiketaren itzulketa).

Ikus dezakezunez, edozein dela ere zure kasua, Bizum segurtasun-estandar handienak dituen eta berehalako transferentzien sisteman (SEPA) oinarritutako ordainketa-sistema bat da; beraz, zure dirua beti ingurune seguru batean mantentzen da eta ez da inoiz «diruaren linboan» geratzen. Kontu batetik bestera bidaiatzen du 5 segundo baino gutxiagoan.

Eta zalantzarik izanez gero… jarri harremanetan zure bankuarekin

Amaitzeko, garrantzitsua da kontuan izatea Bizum zure banku-erakundeak zuzenean eskainitako sistema bat dela. Beraz, sinpleena da, edozein zalantza izanez gero, zuzenean zure bankuarekin harremanetan jartzea. Hala ere, beti bezala, poz-pozik lagunduko dizugu.