- Actualidad
Pago con Bizum presencialmente en tendas físicas
Bizum chegou ás nosas vidas e revolucionou a maneira de pagar, de doar a ONG, de compartir gastos con amigos, de facer compras en liña… Esta transformación fai a vida moito máis easy aos seus case 20 millóns de usuarios. De feito, xa non nos imaxinamos a vida sen Bizum. Pero que me dis dos pagos presenciais? Hai un ano Bizum estreaba os pagos presenciais nas administracións da SELAE. Pero é que, ademais de pagar os décimos, cada vez son máis as plataformas que permiten o pago en persoa con Bizum. Non paramos de innovar para que, en breve, esas experiencias de pago presenciais se estendan. Estás preparado para unha segunda revolución? Mira todo o que está por chegar…
Administracións de lotaría, as primeiras no pago presencial con Bizum
En decembro de 2020 compartiamos con alegría a estrea de Bizum nos pagos presenciais nas administracións de lotarías. Unha maneira de pagar en persoa baseada nun código QR.
Tan sinxelo como xerar o QR Bizum desde a app do banco e deixar que o escaneen na administración. Este servizo xa se ofrece en todos estes bancos: Caixa/Bankia, Santander, BBVA, Banco Sabadell, Kutxabank, Abanca, Unicaja, Ibercaja, Grupo cooperativo Cajamar, Bankinter e Cajasur. Se non está o teu, atento, porque en pouco tempo serán máis as entidades bancarias que o implementen.

Bizum amplía as experiencias de pago presencial
Pero a SELAE (Sociedade Estatal Loterías y Apuestas del Estado) non é a única en darche a opción de pagar en persoa con Bizum. Xa falamos dalgunhas plataformas que tamén o aceptan, cuxa forma de pagar é similar á compra en liña. Así funciona:
– Móstrase un QR para escanear e efectuar a operación.
– Ou ben envíanche unha url ou enderezo web ao móbil a través dalgún sistema de mensaxería para que completes o pago con Bizum.
Por outra banda, plataformas como PeoplEat e Gopick tamén permiten o pago presencial. Gopick preséntache unha nova forma de consumir en grandes eventos. E para pagar abonda con seleccionar Bizum ao rematar o pedido, como nas túas compras en liña. Non é xenial?
Pola súa parte, PeoplEat é unha solución segura de xestión de pedidos para establecementos e usuarios, aforrando esperas aos clientes e optimizando os tempos dos negocios hostaleiros. E o pago? En persoa e só co teu móbil. Non é maxia, é Bizum.

En Bizum somos fans dos retos
Innovación e colaboración. Eses foron os eixes que guiaron o lanzamento de Bizum hai cinco anos. E en 2021 seguimos batendo récords e enfrontándonos a máis retos. Un deles é estender a experiencia de pago presencial a máis comercios.
Despois do balance toca apostar por novos desafíos: en Bizum queremos ofrecerche un método de pago integral e que ademais sexa o teu favorito. Por que?
-Pola súa seguridade
-Sinxeleza
-Rapidez
-E porque poderás pagar todo con Bizum e en calquera sitio.
Imaxínascho? Unha tarefa primordial dese desafío é seguir aumentando as experiencias de pago presenciais con Bizum. Así que, bizumer, non nos perdas a pista porque en Bizum non paramos. Xa sabes o que nos gusta facérchela vida máis sinxela e ir cumprindo retos. Grazas ás túas recomendacións e á túa confianza estamos onde estamos.
Prepárate para empezar a escoitar a frase “Fágoche un Bizum” nos comercios físicos. En Bizum encántanos revolucionar a túa vida e facela máis doada!
Máis novidades,
porque isto non para
-
Bizum internacional: todo o que necesitas saber
Sabemos que Bizum é un proxecto moi querido, tanto dentro como fóra do noso país. E isto, querido Bizumer, vímolo vir. Por iso, dende as orixes da súa creación, traballamos tendo en conta unha visión internacional de Bizum. Para que coñezades todo o que hai que saber sobre Bizum International, preparamos este artigo onde falamos […]
Ver máis -
Quen inventou Bizum? Contámosche a historia
Querido Bizumer, lamentamos, pero non podemos atribuír o mérito do mellor invento do século a unha soa persoa. E Bizum non é idea de ninguén, é de todos, é froito da colaboración de todo un sector. Xa en 2015, 20 entidades bancarias españolas xunto coas súas 3 asociacións (AEB, CECA e UNACC) e as 3 […]
Ver máis -
Canto tempo tarda en chegar un bizum? Tan rápido que nin o ves vir!
Seguro que en máis dunha ocasión te preguntaste canto tarda en chegar un bizum. Pois prepárate para sorprenderte, porque a resposta é: menos de 5 segundos! Si, leches ben. Menos de 5 segundos. Enviar un Bizum é tan rápido que poderías dicir que o diñeiro se “teletransporta” dunha conta a outra en cuestión de segundos. […]
Ver máis