- Actualidad
Pago por Bizum: despídese do diñeiro en efectivo
«Sinto moito, non levo solto».
Cantas veces dixeches esta frase no que vai de ano? Se a resposta é «infinitas» é porque es un auténtico Bizumer. E é que, xa sexa un efecto colateral da pandemia ou porque o pago por Bizum é moi sinxelo, os cartos en efectivo están a quedar obsoletos.
E sabes que é o mellor de todo? Que o pago por Bizum cada vez se está a facer máis extensivo permitindo pagar O QUE SEXA E ONDE SEXA de forma fácil, rápida e sinxela.
Que é e como funciona Bizum?
Por se aínda es dos que non sabe que é Bizum, déixanos contarche rapidamente que Bizum é un sistema de pago entre particulares, comercios e ONG que naceu en 2016 da man da banca española. Un produto que permitiu que as débedas acumuladas por culpa dese «xa che pagarei» se solucionasen no momento grazas a unha aplicación bancaria.
Como se fai o pago por Bizum en tendas en liña?
Xa son máis de 40.000 os comercios que habilitaron o pago por Bizum. E é normal, porque quen non escollería Bizum como método de pago? Se é o método máis rápido, doado e seguro que atoparás…
Pero, por se tes dúbidas de como se fai un pago por Bizum na túa tenda en liña favorita, toma nota:
-
- – En primeiro lugar, tes que encher o carriño de todos aqueles produtos que queiras mercar. Unha vez teñas isto feito, é momento de ir ao botón de «Tramitar pedido» ou similar.
- – Nese momento apareceranche varias opcións de pago. Selecciona a opción de «Pago por Bizum».
- – Agora tan só tes que cubrir algo que de seguro sabes de memoria: o teu número de teléfono. Só iso!
- – Por cuestións de seguridade, tes que validar a compra que realizaches desde a túa app bancaria.
- – E xa estaría, agora a esperar a que chegue a túa compra para poderes gozar dela.
* No caso de que o teu banco teña a confirmación do pago por Bizum a través da clave Bizum, tan só tes que meter este código que previamente tiveches que configurar na túa app bancaria.
Pago por Bizum en tendas físicas
Sabemos que o pago por Bizum en tendas en liña se vos está a quedar curto e queredes pagar con Bizum en todos os lados. E como nos gusta compracer os nosos Bizumers… xa temos o pago por Bizum en tendas físicas!
Contámosche as dúas formas que están agora mesmo en activo:
- 1. Pago por Bizum Loterías y Apuestas del Estado: o primeiro método de pago presencial chegou con SELAE, o que nos permitiu que puidésedes cobrar e pagar os vosos premios de forma presencial, rápida e sinxela, e funciona así:
- Entrar na sección de Loterías de Bizum da túa aplicación bancaria ou directamente na app de Bizum.
- Entra na opción de pago ou cobro e xera un código QR de pago por Bizum
- Móstrallo ao caixeiro para que poida escanear o pago ou darche o teu premio. E listo!
- 2. Pago por Bizum a través de QR ou ligazón: se vas mercar nun comercio físico e ten activado o pago por Bizum presencial, tan só hai que seguir estes pasos para poderes pagar a túa compra con Bizum:
- 1. Escanea o código QR ou entra na ligazón de pago que che indique.
- 2. Completa a forma introducindo o teu móbil, como cando pagas nun comercio en liña… e xa estaría!
- 3. Móstrallo ao caixeiro para que poida escanear o pago e cobrarche. E listo!
Vantaxes que ten o pago por Bizum
Aínda que as vantaxes son máis que obvias, imos deixarche unha pequena lista polo se acaso che entra a dúbida de por que escoller o pago por Bizum tanto para saldar ou cobrar débedas como para as túas compras:
- – A principal vantaxe do pago por Bizum é a que todos sabemos… O teu amigo/a non terá ningunha escusa para non pagarche a cea do venres. Esquece estar apurado lembrándolle que che debe «X» cartos e preocúpate de que sempre, sempre, leve o móbil cargado.
- – Outro dos beneficios do pago por Bizum e de utilizar esta plataforma é que podes estar ao día dos teus movementos, actualizando ingresos e gastos só botando unha ollada á túa app.
-
- – Ademais, Bizum é un servizo gratuíto, non cobra comisións.
- – É un servizo moi seguro. Incorpora un dobre factor de validación e cumpre coa directiva europea PSD2, a normativa de seguridade de pagos en eCommerce.
- – É inmediato; tan rápido como a velocidade da luz. Esquece esperar días para recibir os cartos; o pago por Bizum prodúcese ao instante.
- – Ademais, no caso de que fagas unha devolución con Bizum é inmediato. Os teus cartos están dispoñibles na conta en cuestión de segundos.
Con tanto beneficio, a que esperas para ser un bizumer?
Máis novidades,
porque isto non para
-
Bizum internacional: todo o que necesitas saber
Sabemos que Bizum é un proxecto moi querido, tanto dentro como fóra do noso país. E isto, querido Bizumer, vímolo vir. Por iso, dende as orixes da súa creación, traballamos tendo en conta unha visión internacional de Bizum. Para que coñezades todo o que hai que saber sobre Bizum International, preparamos este artigo onde falamos […]
Ver máis -
Quen inventou Bizum? Contámosche a historia
Querido Bizumer, lamentamos, pero non podemos atribuír o mérito do mellor invento do século a unha soa persoa. E Bizum non é idea de ninguén, é de todos, é froito da colaboración de todo un sector. Xa en 2015, 20 entidades bancarias españolas xunto coas súas 3 asociacións (AEB, CECA e UNACC) e as 3 […]
Ver máis -
Canto tempo tarda en chegar un bizum? Tan rápido que nin o ves vir!
Seguro que en máis dunha ocasión te preguntaste canto tarda en chegar un bizum. Pois prepárate para sorprenderte, porque a resposta é: menos de 5 segundos! Si, leches ben. Menos de 5 segundos. Enviar un Bizum é tan rápido que poderías dicir que o diñeiro se “teletransporta” dunha conta a outra en cuestión de segundos. […]
Ver máis